Трамп Эрондаги намойишчиларни форсчада қўллаб-қувватлади 

Жаҳон 08:50 / 12.01.2020 23609

АҚШ президенти Дональд Трамп Эрондаги намойишчиларни твиттерда форсча твит билан қўллаб-қувватлади.  

“Анчадан бери жафо чекаётган, бироқ жасур эронликларга: Мен президентлигимнинг бошидан сиз билан биргаман ва менинг маъмуриятим ҳам сиз билан бирга бўлиб қолади. Биз сизнинг норозилигингиз ортидан синчков кузатмоқдамиз ва мардлигингиздан илҳомланмоқдамиз”, деб ёзган Трамп. 

АҚШ президентининг таъкидлашича. Эрон ҳукумати “ҳуқуқни ҳимоя қилувчи гуруҳларга мамлакатдаги норозилик жойларидаги вазиятни кузатиш ва бу ҳақида хабар беришга имкон бериши керак.

“Тинч намойишчиларга қарши навбатдаги қирғин, интернетдан узиб қўйиш бошқа бўлиши керак эмас. Дунё кузатмоқда”, деб қўшимча қилган Трамп кейинроқ.

11 январда Теҳрондаги Амир Кабир номидаги университет ёнида Украинага қарашли самолётнинг авиаҳалокати қурбонлари хотирасига талабалар акцияси бўлиб ўтган. Акция Эрон йўловчи самолёти янглиш уриб туширилганини тан олгандан кейин бошланган. Намойиш ҳалокатда айбдорларнинг истеъфоси ва судланиши талаблари билан норозилик акциясига айланиб кетган. Кейинроқ полиция намойишчиларни тарқатишга муваффақ бўлган.

Кўпроқ янгиликлар