Olimlar Indoneziyada dunyodagi eng yirik gulni aniqladilar. Bu haqda G‘arbiy Sumatra tabiat resurslarini asrash markazi xabar bergan. 

 Gulning nomi raffleziya bo‘lib, uning diametri 122 santimetrni tashkil etadi va bu mutlaq rekord natijadir. 

Ma'lumotlarga ko‘ra, gul o‘zining "avvalgi raqobatchisi" o‘rnidan o‘sib chiqqan. Avvalgi yirik gulning diametri 112 santimetrni tashkil etgan. 

Raffleziya bargga ega bo‘lmagan parazit o‘simlik sanaladi. U hayoti uchun zarur minerallarni so‘rg‘ich ildizlari orqali oladi. 

2019 yilning fevral oyida Indoneziyada dunyodagi eng katta asalari ham topilgandi. U Yevropa oddiy asalarisidan to‘rt barobar katta bo‘lib, kam o‘rganilgan orollarda uchraydi.