Qoʻshimcha funksionallar
-
Tungi ko‘rinish
Shavkat Mirziyoyev YeOII yig‘ilishida 5 tashabbusni ilgari surdi
Prezident Shavkat Mirziyoyev Moskva shahriga tashrifi doirasida Oliy Yevroosiyo iqtisodiy kengashi majlisida ishtirok etdi va nutq so‘zladi.

Foto: Prezident matbuot xizmati
Davlat rahbari hozirgi sharoitda mamlakatlar o‘rtasidagi savdo-iqtisodiy aloqalarni qo‘llab-quvvatlash va rag‘batlantirish, kooperatsiya loyihalarini ilgari surish hamda o‘zaro investitsiyalarning o‘sishi uchun sharoit yaratish birinchi darajadagi vazifa deb hisoblashini ta’kidladi.
«Toshkentda muvaffaqiyatli o‘tgan an’anaviy «Innoprom» xalqaro ko‘rgazmasi bunday hamkorlikka yorqin misoldir... Biz ushbu muloqot maydonini yanada kengaytirish, ishtirokchilar sonini oshirish, jumladan, Kuba, Eron, Misr, Birlashgan Arab Amirliklari, Mo‘g‘uliston, Viyetnam va Indoneziya kabi hamkor mamlakatlar kompaniyalarini bu jarayonga jalb etish niyatidamiz», dedi Mirziyoyev.
O‘zbekiston rahbari Yevroosiyo iqtisodiy ittifoqi (YeOII) bilan o‘zaro manfaatli hamkorlikning 5 ta ustuvor yo‘nalishini sanab o‘tdi.
Birinchidan, O‘zbekiston YeOII rivojlantirishning strategik yo‘nalishlari doirasida amaliy sheriklikni kengaytirish va tarmoqlarda ko‘p tomonlama hamkorlik loyihalarini amalga oshirishda yanada faol ishtirok etishdan manfaatdor.
Ikkinchidan, Yevroosiyo iqtisodiy ittifoqiga a’zo mamlakatlar bilan o‘zaro savdo-sotiqdagi to‘siq va cheklovlarni birgalikda bartaraf etishga tayyor. 2009 yilda qabul qilingan Tovarlar ishlab chiqarilgan mamlakatni aniqlash qoidalariga O‘zbekistonning qo‘shilish jarayoni boshlangan.
Uchinchidan, Janubiy va Janubi-Sharqiy Osiyo, Yaqin Sharq mamlakatlari bozorlari bilan bog‘lovchi «Shimol – Janub» transport yo‘lagini rivojlantirish bo‘yicha yaqin muloqotni davom ettirish muhim. Belarus–Rossiya–Qozog‘iston–O‘zbekiston–Afg‘oniston–Pokiston multimodal marshrutini rivojlantirish bo‘yicha uchrashuvi samarali bo‘lgani ta’kidlandi.
To‘rtinchidan, sanoat kooperatsiyasi sohasidagi loyihalar va talab yuqori bo‘lgan mahsulotlar ishlab chiqarishni mahalliylashtirish dasturlarini kelgusida ham faol qo‘llab-quvvatlashni maqsad qilingan.
Beshinchidan, quyidagi muhim yo‘nalishlarda ishlarni tizimli yo‘lga qo‘yish va YeOII organlari bilan hamkorlikni kengaytirish zarurligi ta’kidlandi:
- Yevroosiyo Agroekspressini rivojlantirish, «yashil» va suvni tejaydigan texnologiyalarni joriy etish, qo‘shma agrosanoat klasterlari va logistika markazlarini tashkil etishni qo‘llab-quvvatlash;
- Iqlim o‘zgarishining salbiy oqibatlarini bartaraf etish masalalarida umumiy yondashuvlarni ishlab chiqish va yaqin hamkorlik qilish. Bunda tegishli Ishchi guruhining navbatdagi majlislaridan birini O‘zbekistonda o‘tkazish taklif etildi;
- Mamlakatlarda mehnat migrantlari faoliyati uchun raqamli platformalarga ulangan holda, qulay sharoit va ijtimoiy kafolatlarni shakllantirish;
- Sayyohlar almashinuvini keskin oshirishga qaratilgan qo‘shma turistik dastur va mahsulotlarni ishlab chiqish.
Shavkat Mirziyoyev ushbu yo‘nalishlarning barchasi hamkorlikning o‘rta muddatdagi istiqbolga mo‘ljallangan yangi rejasida o‘z aksini topishi mumkinligini ta’kidladi.
Tavsiya etamiz
„Uchastkavoy“ prezident bilan uchrashuvda kapitanga aylandi
O‘zbekiston | 15:27 / 11.07.2025
Tramp: NATO Ukraina uchun AQShdan qurol sotib oladi
Jahon | 11:21 / 11.07.2025
Eldor Shomurodov Turkiya klubiga o‘tdi
Sport | 11:12 / 11.07.2025
Taekvondochi Ulug‘bek Rashidov ikki yilga diskvalifikatsiya qilindi
Sport | 11:00 / 11.07.2025
So‘nggi yangiliklar
-
Maxsus iqtisodiy zonalarni infratuzilma bilan ta’minlashda bozor mexanizmi joriy etiladi
O‘zbekiston | 08:47
-
BMT qarorgohida Falastin bo‘yicha xalqaro konferensiya bo‘lib o‘tadi
Jahon | 08:15
-
Infratuzilma obektlarini qurishda muqobil energiya vositalari joriy etiladi
O‘zbekiston | 08:05
-
Tramp immigratsiya va bojxona politsiyasiga «to‘liq vakolat» taqdim etdi
Jahon | 08:01
Mavzuga oid

07:41
Rossiyada Army SOS fondi «nomaqbul tashkilot» deb tan olindi

07:34
Rossiya Polshaning Kaliningraddagi konsulligini yopishga qaror qildi

20:48 / 13.07.2025
Sankt-Peterburgda migrantlar temir panjaralar orasida yotishga majbur bo‘layotganiga izoh berildi

18:58 / 13.07.2025