EPSILON: Янги йилнинг илк куни Талимаржон-5 ва 11-сонли қудуқларидан умумий дебити 750 минг куб.м бўлган газ олинди

Иқтисодиёт 15:50 / 01.01.2020 7564

Талимаржон-5 қудуғида ўтказилган мульти-ГРП амалиёти туфайли ундан 400 минг куб.м газ олинишига муваффақ бўлинди.

Мутахассисларнинг ҳулосасига мувофиқ, мукаммаллаштирилган қатламни гидравлик ёриш технологияси ўхшаш геологик шароитларда қудуқларни анъанавий горизонтал бурғилаш усулидан кўра 40%га самаралироқдир.

Самарадорлиги юқори бўлган маҳсулдор қатламни радиал ёриш усули қўлланилиши натижасида, куни кеча Талимаржон-11 қудуғидан олинган газнинг дастлабки кунлик дебит кўрсаткичи 250 минг куб.м бўлган бўлса, у ўсишда давом этиб, бугунги кунда мазкур кўрсаткич 350 минг куб.м ни ташкил этди. Айни пайтда қудуқда олиб борилаётган аэрация ишлари эса дебит кўрсаткичининг янада ошишига олиб келади.

Замонавий технологияларни ишлаб чиқаришга амалда татбиқ этилиши компания томонидан кундалик қазиб чиқарилаётган газ ҳажмини кўпайтириш имконини бермоқда.

Қазиб олинаётган газ ҳажмининг бари қиш мавсумида аҳолининг эҳтиёжини қоплаш учун йўналтирилмоқда.

EPSILON компанияси Матбуот хизмати

Кўпроқ янгиликлар