Rossiya, Eron va Xitoy 27 dekabrda Hind okeanida hamkorlikda harbiy-dengiz mashg‘ulotlari o‘tkazadi. Bu haqda Eron harbiy-dengiz kuchlari qo‘mondoni kontr-admiral Husayn Xonzodiy ma'lum qildi.
"Rossiya, Eron va Xitoyning hamkorlikdagi harbiy mashg‘ulotlari 27 dekabr kuni bo‘lib o‘tadi", - deya undan iqtibos keltirmoqda IRIB teleradiokorporatsiyasi.
Xonzodiy mashg‘ulotlar "Dengiz xavfsizligi belbog‘i" deb nomlanishini qo‘shib qo‘ydi.
Hind okeanidagi harbiy-dengiz mashg‘ulotlarining dastlabki rejasi uch davlat vakillari tomonidan oktabr oyida ishlab chiqilgandi.
