Ozarboyjon milliy majlisi (parlament) parlamentni tarqatib yuborish va qonunchilik organiga navbatdan tashqari saylovlar o‘tkazish to‘g‘risida prezidentga murojaat qabul qildi. Bu haqda TASS xabar berdi.

Xabarda aytilishicha, ushbu qarorni yoqlab 99 deputat ovoz berdi, bir kishi qarshi chiqdi, bir kishi betaraf qoldi va yana bir kishi ovoz bermadi.

Milliy majlisni tarqatib yuborish tashabbusi bilan "Yeni Azerbayjan" ("Yangi Ozarboyjon") partiyasi deputatlari chiqishgandi. Ular buni davlat rahbarining islohotlarini qo‘llab-quvvatlash va parlament tarkibini yoshartirish zarurati bilan izohlashdi.

"Yeni Azerbayjan" partiyasi parlamentda ko‘pchilikni tashkil etuvchi hukmron partiya hisoblanadi.