“2020 yil Yevropa avtomobili” tanlovi hakamlar hay'ati Yevropaning eng yaxshi avtomobili nomiga da'vogar mashinalarni e'lon qildi. Bu haqda Motor nashri xabar berdi.      

Ro‘yxatdan 7 ta finalchi model o‘rin olgan: BMW 1-Series, Ford Puma, Peugeot 208, Renault Clio, Toyota Corolla, Porsche Taycan va Tesla Model 3.

Mashinalarni tanlagan hakamlar hay'ati tarkibiga Yevropaning 23 ta davlatidan avtomobillar bo‘yicha 60 nafar mutaxassis kirgan.

G‘olib mashina 2020 yil martda o‘tadigan Jyeneva avtosalonida ma'lum qilinadi. 

2018 yilda Yevropaning eng yaxshi avtomobili Jaguar I-Pace elektr krossoveri bo‘lgandi.