Atom energetikasini rivojlantirish agentligi bosh direktorining birinchi o‘rinbosari tayinlandi. 

Energetika vazirligi matbuot xizmati xabariga ko‘ra, Bahrom Mamatmurodovich Mansurov O‘zbekiston Respublikasi Energetika vazirligi huzuridagi Atom energetikasini rivojlantirish agentligi bosh direktorining birinchi o‘rinbosari lavozimini egalladi.

Qayd etilishicha, Bahrom Mansurov ungacha Atom energetikasini rivojlantirish agentligi bosh direktorining o‘rinbosari lavozimida ishlab kelayotgan edi.

Shuningdek, O‘zbekiston Respublikasi Energetika vazirligi huzuridagi Atom energetikasini rivojlantirish agentligi bosh direktorining o‘rinbosari etib Farrux Farhodovich Toshmatov tayinlandi.

Eslatib o‘tamiz, Farrux Toshmatov Atom energetikasini rivojlantirish agentligida boshqarma boshlig‘i lavozimida ishlab kelayotgan edi.