Беларусда 17 ноябрда Миллий йиғиннинг (парламент)  қуйи палатасига депутатлар сайловлари бўлиб ўтади.

Шу муносабат билан соат 8дан бутун мамлакат бўйлаб сайлов участкалари очилиб, соат 20гача ишлайди.

Овоз бериш ҳуқуқига 6 880 605 киши эга бўлиб, улар 513 номзоддан 110 депутатни сайлашлари керак бўлади. 

Парламент сайловлари бўлиб ўтган деб ҳисобланиши учун сайловларда 50 фоиздан кўпроқ сайловчилар иштирок этишлари керак бўлади.

Сайловлар боришини 28 минг нафар миллий ва 1028 нафар хорижий, жумладан ШҲТ, ЕХҲТ, МДҲдан кузатувчилар кузатиб боришади.

Сайловларнинг дастлабки натижаларини 17 ноябрь кечки пайт маълум қилиш режалаштирилган.