Belarusda 17 noyabrda Milliy yig‘inning (parlament)  quyi palatasiga deputatlar saylovlari bo‘lib o‘tadi.

Shu munosabat bilan soat 8dan butun mamlakat bo‘ylab saylov uchastkalari ochilib, soat 20gacha ishlaydi.

Ovoz berish huquqiga 6 880 605 kishi ega bo‘lib, ular 513 nomzoddan 110 deputatni saylashlari kerak bo‘ladi. 

Parlament saylovlari bo‘lib o‘tgan deb hisoblanishi uchun saylovlarda 50 foizdan ko‘proq saylovchilar ishtirok etishlari kerak bo‘ladi.

Saylovlar borishini 28 ming nafar milliy va 1028 nafar xorijiy, jumladan ShHT, YeXHT, MDHdan kuzatuvchilar kuzatib borishadi.

Saylovlarning dastlabki natijalarini 17 noyabr kechki payt ma'lum qilish rejalashtirilgan.