Италиядаги шаҳарча мэри жаримани 168 килограмм танга билан тўлашга қарор қилди

Жаҳон 00:08 / 12.11.2019 4768

Италиянинг Маленьо шаҳри мэри Паоло Эрба норозилик сифатида давлатга 1100 евролик жаримани бир евроцент қийматдаги тангалар билан тўлашга қарор қилди. Бу ҳақда шаҳар мэрияси Facebook’да хабар қилди.

Умумий ҳисобда Эрба тўплаган тангалар 6 қоп чиққан ва оғирлиги 168 кгни ташкил қилган. Аввалроқ давлат идоралари шаҳар раҳбариятига хайрия мақсадида йиғилган бу пулларни молиявий ҳисоботни 20 кунлик кечикиш билан топширгани учун жарима сифатида қайтариш мажбуриятини юклаган. 

Таъкидланишича, бу пуллар ногиронлар оилаларига ёрдам сифатида берилиши керак эди.

“Мен бу пулларни бирор давлат хизматчиси келиб олиб кетишини истардим, чунки бу имкониятдан фойдаланиб, уларга империянинг чеккасидаги шаҳарчадаги одамлар қандай меҳнат қилиши ва базўр кун кечиришини кўрсатган бўлардим”, деб ёзган мэр хабарда ва қопланган тангалар суратини илова қилган.

Кўпроқ янгиликлар