Yevropa Chempionlar Ligasi 4-turidan keyin uy stadionida bir o‘yinda o‘rtacha eng ko‘p tomoshabin to‘playotgan stadionlar nomi ma'lum bo‘ldi.
Chempionlar Ligasining o‘tgan to‘rt turi davomida eng ko‘p tomoshabin tashrif buyurayotgan o‘yingoh – «Kamp Nou» stadioni bo‘ldi. «Barselona» uy arenasida o‘rtacha 76 582 tomoshabin to‘planmoqda.
Xususan, YeChL 2-turi doirasidagi «Barselona» - «Inter» (2:1) o‘yinida joriy mavsumdagi rekord qayd etilgan. Kataloniyadagi o‘yinda joriy turnirdagi eng ko‘p – 86 141 tomoshabin tashrif buyurgan.
Tomoshabinlar tashrifi borasida 2-o‘rinda «Bavariya»ning uy stadioni «Alyans-arena» qayd etilgan. Myunxendagi YeChL o‘yinlarida o‘rtacha 66 828 tomoshabin tashrif buyurmoqda.
Uchinchi pog‘onadan ham Bundesliga klubi o‘rin olgan. Dortmundning «Borussiya» klubi Chempionlar ligasi bahslarida uy o‘yingohi «Signal iduna park»da o‘rtacha 66 099 muxlis to‘plamoqda. Reytingning top-10ligi bilan tanishing:
YeChL-2019/20da eng ko‘p tomoshabin to‘playotgan 10 stadion:
1. «Kamp Nou»
Klub: «Barselona»
O‘rtacha tashrif: 76 582
Stadion to‘lishi: 77 %
2. «Alyans-arena»
Klub: «Bavariya»
O‘rtacha tashrif: 66 823
Stadion to‘lishi: 89 %
3. «Signal iduna park»
Klub: «Borussiya» D
O‘rtacha tashrif: 66 099
Stadion to‘lishi: 71 %
4. «Santyago Bernabeu»
Klub: «Real» Madrid
O‘rtacha tashrif: 65 302
Stadion to‘lishi: 76 %
5. «Vanda Metpopolitano»
Klub: «Atletiko»
O‘rtacha tashrif: 61 530
Stadion to‘lishi: 90 %
6. «Juzeppe Meatssa»
Klub: «Inter»
O‘rtacha tashrif: 57 901
Stadion to‘lishi: 72 %
7. «Tottenxem stedium»
Klub: «Tottenxem»
O‘rtacha tashrif: 55 935
Stadion to‘lishi: 90 %
8. «Enfild Road»
Klub: «Liverpul»
O‘rtacha tashrif: 52 427
Stadion to‘lishi: 95 %
9. «Yoxan Kroyf Arena»
Klub: «Ayaks»
O‘rtacha tashrif: 51 962
Stadion to‘lishi: 94 %
10. «Zenit-arena»
Klub: «Zenit»
O‘rtacha tashrif: 51 068
Stadion to‘lishi: 75 %.