Қорақалпоғистон ички ишлар вазирлиги маълумотларига кўра, 13 октябрь соат 16:35да Нукус-Тўрткўл темир йўлининг 693-кмида жойлашган қўриқланмайдиган темир йўл кесишмасида йўл-транспорт ҳодисаси юз берди. 

Қўнғирот-Тошкент йўналиши бўйича ҳаракатланаётган поезд темир йўл изларига чиқиб кетган “Nexia” автомобили билан тўқнашиб кетган.   

Йўл-транспорт ҳодисаси оқибатида ҳеч ким жабрланмаган. Поезд соат 16:52да ҳаракатини давом эттирган.