Прокуратура Миришкор ҳокимининг «ўғри бобо»ни ҳақорат қилгани юзасидан текширув бошлади

Жамият 16:51 / 09.10.2019 37102

Қашқадарёда даладан рухсатсиз маккажўхори терган бобони ушлаб, уни неваралари олдида ҳақорат қилган шахс Миришкор тумани ҳокими Равшан Комилов экани тасдиқланди.

«Ўрганиш давомида мазкур ҳолат Қашқадарё вилояти, Миришкор тумани ҳудудида содир бўлганлиги, кадр ортидаги шахс Миришкор тумани ҳокими эканлиги аниқланган», деб маълум қилди Бош прокуратура матбуот хизмати раҳбари Ҳаёт Шамсутдинов.

Унинг сўзларига кўра, ҳолат юзасидан Қашқадарё вилояти прокуратураси органлари томонидан текшириш ҳаракатлари олиб борилмоқда.

Миришкор тумани ҳокими «ўғри бобо»ни неваралари олдида ҳақоратли сўзлар билан изза қилди. Унинг «жазо»лашга ваколати борми?

Кўпроқ янгиликлар