ФИФА Ҳонгконг футбол уюшмасини Хитой мадҳиясига ҳурматсизлик учун жазолади 

Спорт 20:05 / 09.10.2019 6744

ФИФА Ҳонгконг футбол уюшмасини терма жамоанинг 2022 йилги жаҳон чемпионати саралаш босқичидан ўрин олган Эронга қарши ўйинида мухлислар Хитой мадҳиясига ҳурматсизлик қилгани учун жаримага тортди. Бу ҳақда ФИФА матбуот хизмати хабар берди.  

Ҳонгконг футбол уюшмаси 15 минг швейцар франки (15,1 минг доллар) миқдорида жарима тўлаши керак ва ФИФАдан огоҳлантириш олган. Учрашув 10 сентябрда бўлиб ўтган ва эронликларнинг 2:0 ҳисобидаги ғалабаси билан якунланган. 

Хитой Ҳонгконг таркибига киради, бироқ ўз терма жамоасига эга. Ўйин олдидан Хитой мадҳияси янграганда ҳонгконглик мухлислар намойишкорона тарзда майдонга тескари бурилиб олишган, баъзилар эса увиллаб, “Boo” (Буу) ёзуви бўлган қоғозларни кўтаришган.  

Миллий мадҳияга бундай ҳурматсизлик Ҳонгконгда июндан бери Хитой сиёсатига қарши намойишлар тўхтамаётгани билан боғланган.

Ҳонгконг ва Эрон терма жамоалари Осиё ҳудудининг С гуруҳида Ироқ, Камбожа ва Баҳрайн билан бир гуруҳда иштирок этмоқда. 

Ҳонгконг Хитойнинг махсус маъмурий тумани ҳисобланиб, “бир давлат – икки тизим” формуласи бўйича юқори автономлик даражасига эга. 4 ой аввал бу ерда Хитойга қонунбузарларни топширишга имкон берувчи экстрадиция ҳақидаги қонун лойиҳаси қабул қилинишига уриниш сабабли катта кўламли норозилик намойишлари бошланган ва ҳанузгача тўхтамаяпти.

Кўпроқ янгиликлар