O‘zbekiston Respublikasi prezidentining 2019 yil 17 sentyabrdagi 4457-sonli qarori bilan Ahadbek Yahyobekovich Haydarov moliya vazirining o‘rinbosari lavozimiga tayinlandi. Bu haqda Moliya vazirligi axborot xizmati xabar bermoqda.

Ahadbek Haydarov 1971 yilda Farg‘ona viloyatida tug‘ilgan. 1994 yil Toshkent Davlat universiteti, 1998 yili Toshkent Davlat iqtisodiyot universiteti, 2001 yili Yaponiya siyosiy fanlar Milliy instituti magistratura bosqichi, 2006 yil AQShning Massachusets shtatida Villiams Kollejini tamomlagan.

2008-2013 yillarda O‘zbekiston Respublikasi Markaziy banki Monetar siyosat departamenti direktori, 2013-2016 yillarda O‘zbekiston Respublikasi Markaziy banki Raisining o‘rinbosari, 2016-2016 yillarda O‘zmilliybank Boshqaruv Raisi birinchi o‘rinbosari bo‘lib ishlagan.
 
2016-2017 yillarda “Mikrokreditbank” aksiyadorlik – tijorat banki Boshqaruvi raisi, 2017 yilda O‘zbekiston Respublikasi Moliya vaziri o‘rinbosari, 2017-2019 yillarda O‘zbekiston Respublikasi Moliya vaziri birinchi o‘rinbosari bo‘lgan.

Ahadbek Haydarov 2019 yilning aprel oyidan beri O‘zbekiston Respublikasi Davlat aktivlarini boshqarish agentligi direktori lavozimida ishlab kelayotgandi.

Bundan oldin, Sunatulla Bekenov prezident qarori bilan O‘zbekiston Respublikasi Davlat aktivlarini boshqarish agentligi direktori etib tayinlangandi.