Қашқадарё вилоят ИИБ қошида замонавий кутубхона халққа хизмат кўрсата бошлади

Жамият 20:17 / 09.09.2019 2005

Қашқадарё вилоят Ички ишлар бошқармаси қошида янгидан барпо этилган Китоблар уйи қурилиб фойдаланишга топширилди. Бу ҳақда Kun.uz’га ИИБ матбуот хизмати хабар бермоқда.

Ўзбекистон Республикаси ички ишлар вазири, генерал-лейтенант П.Бобожонов вилоятга ташрифи давомида вилоят ИИБ қошида ҳам замонавий кутубхона ташкил этиш ташаббусини илгари сурган эди. 

Мазкур ташаббусни амалга ошириш натижасида бошқарма қошида замонавий ва кўркам «Дор ул-кутуб» — Китоблар уйи қуриб битказилди ҳамда фаолият олиб бориш учун «Қарши китоб дунёси» масъулияти чекланган жамиятга шартнома асосида ижарага берилди.

Янги барпо этилган Китоблар уйи барча қулайликларга эга бўлиб, унда 4 мингдан ортиқ бадиий, илмий ва ўқув адабиётлари мавжуд. Ёруғ ва шинам залда ўтириб, китоб мутолаа қилиш учун шароит яратилган бўлиб, бу ерда ўқилган китоблар учун китобхонлардан ҳеч қандай ҳақ олинмайди.

Шунингдек, залда ўрнатилган учта компьютер орқали Интернетга уланиш, керакли адабиётларни электрон кўринишда юклаб олиш, зарур маълумотларни чоп этиш ёки ахборот ташувчи мосламаларда ўзи билан олиб кетиш имконияти яратилган.

Кўпроқ янгиликлар