Антони ван Левенгук – голландиялик табиатшунос, микроскоп конструктори , илмий микроскопия асосчиси, фанларни мустақил ўрганиб ўз ихтироси билан турли жонзотларни тадқиқ қилган олим.
– Бундан қандай хулоса келиб чиқади? Диплом – бу бир парча қоғоз, энг муҳими билим ва кўникмалар, – дея таъкидлайди, ERIELL гуруҳи ходимлари учун ташкиллаштирилган профессионал ривожланиш бўйича «Ҳужжатлар айланмасини бошқариш» дарсларида профессор Юсуф Абдуллаев.
– Тарихда гениал ихтиролар олимлар эмас, амалиётчилар, кундалик жараёнлар билан шуғулланишда ишни енгиллатиш истагида бўлган турли касб эгалари томонидан қилингани бўйича мисоллар жуда кўп. Улар орасида Генри Форд, Билл Гейтс, Стив Жобс ва бошқа машҳур инсонлар бор. Уларнинг кўпчилиги таҳсилларни якунламаган, ихтиролари йўналишида ўқишмаган ёки умуман маълумотга эга бўлишмаган. Албатта, бу таълимдан воз кечиш зарур деган фикрни англатмайди. Аксинча, диплом ва тавсияномаларга қарамай ҳеч қачон эришган натижаларга қаноатланиб тўхтаб қолмаслик керак.
«Юксак самарали инсонларнинг 7 кўникмаси» китоби муаллифи Стив Ковининг фикрича, ўз малакасини такомиллаштириб бормайдиган ходимни «ўтмас арра»га қиёслаш мумкин. Бундай инсонлар ўтмас арра билан дарахтни кесишга бесамар уринишади, асбобни ўткирлаб олиш таклифини эса вақт зиқлигини айтиб, рад қилишади.
Келажак мутахассислари кимлар?
Дарслардаги сўнгги чиқишлардан бирини мураббийлардан бири Давлат бошқаруви академияси «Менежмент» кафедраси профессори, иқтисод фанлари доктори Михаил Хамидуллин қилди.
– Ҳозирги кунда республикамизни ижтимоий-иқтисодий ривожлантириш бўйича давлат дастурлари ишлаб чиқилмоқда – таъкидлайди профессор. Уларни амалга ошириш яқин келажакка мўлжалланган. Бу масалаларни бевосита ечувчи ва амалга оширувчи бўлган ёш авлод кўп ҳолларда афсуски бехабар ёки четда қолмоқда.
Бу ерда давлат дастурларининг ишлаш механизми бўйича бир мисол келтириш мумкин: Хитой Халқ Республикаси фаол ривожланишининг энг муҳим омилларидан бири айнан давлат дастурларини ишлаб чиқиш ва уларга аниқ риоя қилиш бўлган. Бу режалар 10, 20 ёки 30 йилга эмас, бирваракайига 100 йилга тузилган. Бугунги кунда ўз автомобиль саноатини таҳлил қилган Хитой кобальт етказиб бериш бўйича Уганда билан узоқ йиллик шартнома тузиб қўйган. Чунки сўнгги йилларда автосаноатда электромобилларга кенг ўрин берилаётгани, бундай автомобиллар ишлаб чиқариш учун эса кобальт жуда муҳим элемент эканлиги ҳаммага маълум.
«ERIELL prof education»даги дарслар ана шундай халқаро тажрибалар ва мисоллар асосида бўлиб ўтади.
ERIELL компаниялар гуруҳининг ходимлари таҳсил олишга жўнатилар экан, аввал уларнинг билим ва кўникмаларидаги камчиликлари олдиндан аниқланади. Бундан мақсад Корпоратив ўқув маркази ўқув жараёнини уларга мос мураббийлар, услуб ва технологияларни танлаган ҳолда ташкил этиши ва бу ўз навбатида меҳнат самарадорлиги ҳамда малака ошишига хизмат қилишидадир.
Навбатдаги ўқув курсларида тингловчилар раҳбар кадрлар малакасини ошириш ва қайта тайёрлаш ўқув услубий маркази доценти В.А.Каримов, Жаҳон иқтисодиёти ва дипломатия Университети музокаралар лабораторияси раҳбари А.А.Файзуллаев, «Иқтисодий ривожланиш маркази» МЧЖ директори Ю.Б.Юсупов ва бошқа бир қанча талабгир мураббийлар маърузаларидан баҳраманд бўладилар.
Ўқув маркази йил бўйи фаолият юритади. Ойма-ой турли даража ва йўналишдаги мутахассислар қамровини кенгайтириб, ERIELL компаниялар гуруҳининг ходимлари билимларини ҳамда малакасини ошириб боради.
ERIELL компаниялар гуруҳи PR-хизмати
Реклама ҳуқуқи асосида
