Ҳиндистондаги пиротехник воситалар фабрикасидаги портлашда 20 киши ҳалок бўлди

Жаҳон 19:22 / 04.09.2019 2451

Ҳиндистоннинг Панжоб штатида жойлашган пиротехник воситалар фабрикасидаги портлашда 20 киши ҳалок бўлди, 12 киши жароҳат олди. Бу ҳақда ANI ахборот агентлиги хабар берди.

Фабрика Батада шаҳрида жойлашган бўлиб, гувоҳларнинг таъкидлашича, портлаш шунчалик кучли бўлганки, корхона буткул вайрон бўлган ҳамда яқин орадаги биноларга жиддий талофат етказган. 

Ҳозирда воқеа жойида қидирув-қутқарув операцияси олиб борилмоқда. 

Ҳуқуқ-тартибот идоралари воқеа сабабларини аниқлаштирмоқда. Таъкидланишича, вайроналар остида ҳали ҳам одамлар қолаётган бўлиши мумкин.

Кўпроқ янгиликлар