Ukrainalik bokschi Vasiliy Lomachenko yengil vazn toifasida Butunjahon boks kengashi (WBC) talqini bo‘yicha chempionlik kamarini qo‘lga kiritdi.
Bu unvon uchun jangda u britaniyalik Lyuk Kempbellni mag‘lubiyatga uchratdi. Hakamlar g‘alabani ukrainalikka berishgan.
Endilikda Lomachenko hisobida WBC, WBA va WBO kamarlari bor.
Lomachenko-Kempbell jangi Londondagi boks kechasi doirasida o‘tkazilib, uning bosh voqeasi bo‘lgan.
Kecha doirasida, shuningdek, rossiyalik Aleksandr Povetkin britaniyalik Xyui Fyuriga qarshi jang o‘tkazib, og‘ir vaznda WBA International chempionlik kamarini qo‘lga kiritdi.
