Эрдўған: Туркия АҚШ билан келишмасдан Сурияда операция бошлаши мумкин

Жаҳон 13:55 / 01.09.2019 10363

Туркия яқин ҳафталар ичида АҚШ билан турк ҳарбийларининг назорати борасида келиша олмаса, Сурияда Фрот шарқида ўзининг операция режасини амалга оширишга киришиши мумкин. Бу ҳақда мамлакат президенти Таййип Эрдўған.

Аввалроқ Анқара ва Вашингтон Сурия шимолида ҳамкорликдаги операциялар ва хавфсизлик ҳудуди бўйича координацион марказ ташкил этиш тўғрисида келишиб олганди. Расмий Дамашқ бу режага қатъиян қарши чиққанди.

"Агарда бир неча ҳафта ичида ҳарбийларимиз Фрот шарқини назорат қилмайдиган бўлса, биз ўз операция режамизни амалга оширамиз. Бизда вақт ва сабр қолмади. Ҳеч ким ИШИДни баҳона қилиб бизни алдашга уринмасин. Биз деярли йўқ қилган террорчилик ташкилоти (суриялик курдлар мудофаа кучлари) иттифоқчимиз (АҚШ)нинг ортига беркиниб олгани бизга муаммо келтириб чиқармоқда", - деди Эрдўған.

У Туркия НАТО аъзолиги ва иттифоқчиларидан воз кечиш ниятида эмаслигини қўшиб қўйди.

Кўпроқ янгиликлар