ЕЧЛ гуруҳ босқичига йўл олган барча жамоалар номи маълум. Бугун қуръа

Спорт 10:10 / 29.08.2019 5896

28 август оқшомида Европа Чемпионлар Лигасида плей-оффнинг сўнгги ўйинлари бўлиб ўтди.

Ўтган мавсум яримфиналчиси «Аякс» ўз уйида Кипрнинг АПОЭЛ клубини 2:0 ҳисобида мағлубиятга учратиб, икки учрашув натижасига кўра (амстердамликлар сафарда 0:0 ҳисобида дуранг натижага эришганди) гуруҳ босқичига йўл олди. Чехиянинг «Славия» ва Бельгиянинг «Брюгге» клублари ҳам мос равишда ЧФР (1:0, 1:0) ва ЛАСК (1:0, 2:1) клублари тўсиғидан ўтиб, гуруҳ босқичида иштирок этадиган бўлишди. 27 август куни жавоб учрашувлари натижасига кўра, «Олимпиакос» «Краснодар»ни (4:0, 2:1), «Црвена Звезда» «Янг Бойз»ни (2:2, 1:1) ва «Динамо» Загреб «Русенборг»ни (2:0, 1:1) мағлуб этганди.

Шу тариқа, Чемпионлар лигаси-2019/20 мавсумида иштирок этадиган барча 32 жамоа номи маълум бўлди.

Саралаш плей-оффида жавоб ўйинларидан кейин «Олимпиакос», «Црвена Звезда», Загребнинг «Динамо», «Аякс», «Брюгге» ва Праганинг «Славия» клуби ҳам иштирокчилар қаторига қўшилди.

Қуръа арафасида жамоалар қуйидагича саватчаларга тақсимланади:

Биринчи саватча: «Ливерпуль», «Челси», «Барселона», «Манчестер Сити», «Ювентус», «Бавария», «ПСЖ», «Зенит»;

Иккинчи саватча: «Реал», «Атлетико», «Боруссия» Дортмунд, «Наполи», «Шахтёр», «Тоттенҳэм», «Бенфика», «Аякс»;

Учинчи саватча: «Лион», «Байер», «Зальцбург», «Олимпиакос», «Валенсия», «Интер», «Динамо» Загреб, «Брюгге»;

Тўртинчи саватча: «Локомотив», «Генк», «Галатасарой», «Лейпциг», «Славия», «Црвена Звезда», «Аталанта», «Лилль».

Бугун Монакода Европа Чемпионлар Лигаси гуруҳ босқичига қуръа ташлаш маросими бўлиб ўтади. Бу маросим Тошкент вақти билан соат 21:00да бошланади.

Чемпионлар лигаси
Плей-офф раунди
Жавоб ўйинлари

«Русенборг» (Норвегия) – «Динамо» Загреб (Хорватия) 1:1 (1:0, 0:1)
27 август, «Леркендаль»
Голлар: 1:0 – 11 Акинтола, 1:1 – 71 Гояк.
Русенборг – Хансен, Ховланд, Мелинг, Хеденстад (Сейде, 84), Региниуссен, Лундему (Троннсен, 74), Конрадсен, Йенсен, Акинтола (де Ланле, 74), Адегбенро, Тофт-Содерлунд.
Динамо Загреб – Ливакович, Дилавер, Стоянович, Перич, Леовац, Ольмо (Гавранович, 90), Адеми, Моро, Хайрович (Гояк, 66), Петкович, Оршич (Атьемвен, 81).
Огоҳлантиришлар: Дилавер (43), Тофт-Содерлунд (47), Леовац (84).
Биринчи ўйин: 0:2

«Црвена Звезда» (Сербия) – «Янг Бойз» (Швейцария) 1:1 (0:0, 1:1)
27 август, «Райко Митич»
Голлар: 1:0 – 59 Вуканович, 1:1 – 81, автогол Бен-Набуан.
Црвена Звезда – Борян, Милунович, Дегенек, Родич, Гобелич, Йованчич, Гарсия (Бен-Набуан, 69), Марин, Каньяс, Вуканович (Иванич, 83), Боачи (Томане, 62).
Янг Бойз – фон Балльмос, Янко, Лотомба, Цезигер (Фасснахт, 52), Соренсен, Сьерро (Сулеймани, 65), Лустенбергер, Эбишер, Нсаме, Ассале (Оаро, 65), Нгамале.
Огоҳлантиришлар:
Милунович (18), Дегенек (21), Гобелич (32), Цезигер (36), Томане (79), Оаро (90), Йованчич (90), фон Балльмос (90).
Четлатиш: Томане (90).
Биринчи ўйин: 2:2

«Краснодар» (Россия) – «Олимпиакос» (Греция) 1:2 (1:1, 0:1)
27 август, «Краснодар» стадиони
Голлар: 1:0 – 10 Уткин, 1:1 – 11 Эль-Араби, 1:2 – 47 Эль-Араби.
Краснодар – Крицюк, Фьолусон, Спайич, Петров (Скопинцев, 56), Стоцкий, Ольссон, Уткин (Игнатьев, 67), Вандерсон, Вильена, Сулейманов (Намли, 32), Берг.
Олимпиакос – Жозе Са, Мерья, Эльабделлауи, Рубен Семеду (Сиссе, 65), Цимикас, Поденсе (Камара, 84), Вальбуэна, Масурас, Гильерме, Бухалакис, Эль-Араби (Судани, 73).
Огоҳлантиришлар: Стоцкий (25), Намли (70), Ольссон (75), Спайич (76).
Биринчи ўйин: 0:4

«Славия» (Чехия) – ЧФР (Руминия) 1:0 (0:0, 1:0)
28 август, «Синот-Тип Арена»
Гол: 1:0 – 66 Боржил.
Славия – Коларж, Кудела, Цоуфал, Боржил, Говорка, Соучек, Крал, Станчу (Фридрих, 90), Масопуст (Траоре, 84), Шкода (Юсуф, 79), Олайинка.
ЧФР –    Арлаускис, Мурешан, Сушич, Буркэ, Луиш Аурелиу (Пэун, 64), Камора, Бордеяну, Джокович, Дяк (Хобан, 70), Омрани, Рондон (Цукудян, 69).
Огоҳлантиришлар: Мурешан (39), Масопуст (40), Дяк (44), Кудела (47), Цукудян (80), Джокович (90).
Биринчи ўйин: 1:0

«Аякс» (Нидерландия) – АПОЭЛ (Кипр) 2:0 (1:0, 1:0)
28 август, «Амстердам Арена»
Голлар: 1:0 – 43 Альварес, 2:0 – 80 Тадич.
Аякс – Онана, Блинд, Тальяфико, Велтман, Дест, Тадич, Зиеш (де Вит, 87), Альварес (Марин, 89), Нерес, Мартинес, Хунтелар.
АПОЭЛ – Белец, Иоанну, Жоаузинью, Меркис, Михайлович, Яколиш (Де Винсенти, 64), Лукас, Матич (Халлениус, 78), Павлович, Безяк, Аль-Тамари (Видигал, 72).
Огоҳлантиришлар: Альварес (25), Михайлович (30), Меркис (34), Велтман (45), Лукас (56), Яколиш (62), Жоаузинью (69), Безяк (73).
Биринчи ўйин: 0:0

«Брюгге» (Бельгия) – ЛАСК (Австрия) 2:1 (0:0, 2:1)
28 август, «Ян Брейдель»
Голлар: 1:0 – 70 Ванакен, 1:1 – 74, пенальти Клаусс, 2:1 – 89 Бонавентуре.
Брюгге – Миньоле, Дели, Рикка, Митрович, Ванакен, Мата, Ритс, Вормер, Диатта, Окереке (Бонавентуре, 88), Опенда (Тау, 46).
ЛАСК – Шлагер, Траунер, Погатец, Визингер, Реннер, Холланд (Отубанджо, 90), Гойгингер (Рагуж, 72), Михорль, Фризер (Тетте, 62), Ранфтль, Клаусс.
Огоҳлантиришлар: Михорль (55), Траунер (72), Ритс (73), Визингер (90).
Четлатиш: Траунер (81).
Биринчи ўйин: 1:0

Кўпроқ янгиликлар