Дунёнинг энг сердаромад актёрлари эълон қилинди 

Жаҳон 00:56 / 22.08.2019 21788

Голливуд актёри Дуэйн “Қоя” Жонсон “Қасоскорлар”да суратга тушган актёрлар Крис Хемсворт ва Кичик Роберт Даунини ортда қолдириб, энг сердаромад актёрлар рўйхатига етакчилик қилмоқда. Бу ҳақда Forbes’га иқтибос келтирган ҳолда Entertainment Weekly нашри хабар берди. 

Таъкидланишича, актёр 2018 йилнинг 1 июнидан 2019 йилнинг 1 июнигача 89,4 млн доллар ишлаб топган. 

Ўтган йил Жонсон иштирокида “Осмонўпар бино” фильми суратга чиққанди. Бундан ташқари, у HBO телеканалидаги “Футболчилар” сериалининг ҳар бир серияси учун 700 минг доллардан ва кийим-кечак, пойабзал ва қулоқчинлар қаторидан миллионлаб доллар улуш олади. Актёр, шунингдек, “Форсаж: Хоббс ва Шоу” фильми тушумидан фоизлар олади.

Рўйхатнинг 2- ва 3-ўринларини Крис Хемсворт (62,9 млн доллар) ва Кичик Роберт Дауни (66 млн) асосан “ Қасоскорлар: Интиҳо” фильмидаги ишироклари учун эгаллашган. Кейинги ўринларни ҳинд актёри Акшай Кумар (65 млн) ва афсонавий Жеки Чан (58 млн) эгалламоқда. 

Етакчи ўнталикка Брэдли Купер (57 млн), Адам Сэндлер (57 млн), Крис Эванс (43,5 млн), Пол Радд (42 млн) ва Уилл Смит (35 млн) ҳам кирган.

Ўтган йилги рўйхат етакчиси Жорж Клуни ўнталикка ҳам кирмаган. 

Кўпроқ янгиликлар