Россиядаги ЙТҲда ўзбекистонликлар ҳалок бўлди

Жамият 18:24 / 19.08.2019 30376

Ўзбекистоннинг Ростов-Дон шаҳридаги (Россия) Бош консулхонасига 2019 йилнинг 5 август куни Краснодар ўлкасининг Темрюк туманида йўл-транспорт ҳодисаси натижасида 6 нафар Ўзбекистон фуқароси жабрлангани тўғрисида расмий хабар келиб тушди, дейилади ТИВ сайтида.

Вазирлик маълумотида айтилишича, икки киши вафот этган, улардан бирининг шахси аниқланмоқда. Жароҳатланган ҳамюртларимиз касалхонага жойлаштирилди.

Бош консулхона томонидан мазкур вазият назоратга олиниб, консуллик-ҳуқуқий ва ташкилий масалаларини ҳал қилишда ёрдам кўрсатиш учун ҳуқуқни муҳофаза қилиш органлари ва тиббиёт муассасалари билан доимий алоқа ўрнатилган.

Консуллик-ҳуқуқий департамент марҳумнинг оила аъзолари ва яқинларига ҳамдардлик изҳор этган ҳамда Россиянинг Шимолий Кавказ федерал округи (Доғистон Республикаси, Ингушия Республикаси, Кабарда-Балкария Республикаси, Қорачой Черкасия Республикаси, Ставропол ўлкаси, Чеченистон Республикаси, Шимолий Осетия Республикаси) ва Жанубий федерал округи (Адигея Республикаси, Астрахан области, Қалмоқ Республикаси, Краснодар ўлкаси, Волгоград области, Ростов области) ҳудудида бўлиб турган Ўзбекистон фуқароларига улар зарурат туғилган ҳолатларда Ростов-Дон шаҳридаги мамлакат Бош консулхонасига қуйидаги телефон рақами орқали мурожаат қилишлари мумкинлигини эслатиб ўтган: +7-863-285-50-57.

Кўпроқ янгиликлар