Флойд Мейвезер ўзбекистонлик яккакурашчини дунёдаги энг яхши жангчи деб атади

Спорт 22:21 / 12.08.2019 32695

Америкалик боксчи Флойд Мейвезер ўзбекистонлик яккакурашчи Маҳмуд Муродовни дунёдаги энг яхши MMA жангчиси деб атади. У бу ҳақда Instagram’даги саҳфасида ёзган.

Афсонавий боксчи ўз саҳифасида Муродов суратини жойлаштириб, унга “The best MMA fighter in the world!” деб изоҳ қолдирган.

Жорий ёзда Муродов ММА’да иккита жанг ўтказиб, иккаласида ҳам рақибларини нокаут билан мағлуб этган. Ўзбекистонлик жангчи машҳур кишиларнинг ижтимоий тармоқлардаги саҳифаларида тез-тез пайдо бўлиб, унинг жанглари видеоси интернетда тезда тарқалади.

Муродов Ultimate Fighting Championship (UFC)’да ҳамда MMAA Arena, XFN, BA каби халқаро мусобақаларда иштирок этган. Профессионал фаолиятини 2012 йилда бошлаган ва бугунги кунгача 27 жанг ўтказиб, ундан 21 тасида ғалаба қозонган, 6 тасида мағлуб бўлган. Дамиан Чандеель, Иштван Тот, Криштофф Ллппа каби жангчилар билан курашган.

 

Кўпроқ янгиликлар