Klublararo jahon chempionati 11-21 dekabr kunlari Qatarda o‘tkaziladi. Bu haqda FIFA sayti xabar bermoqda.

Musobaqada «Liverpul» (Angliya, UYeFA), «Esperans» (Tunis, KAF), «Monterrey» (Meksika, KONKAKAF), «Iangen Sport» (Yangi Kaledoniya, Okeaniya FK) va «As-Sadd» (Katar) ishtirok etadi. Yana ikkita ishtirokchi Libertadores Kubogi va Osiyo Chempionlar Ligasi finalidan so‘ng aniqlanadi.

Eslatib o‘tamiz, musobaqaning amaldagi g‘olibi «Real» hisoblanadi.