«Андижонгаз» ҳудудий газ таъминоти филиали жорий йилда аҳолига 45267 тонна суюлтирилган газ етказиб беради

Жамият 11:38 / 20.07.2019 2190

«Андижонгаз» ҳудудий газ таъминоти филиали аҳоли хонадонларини суюлтирилган газ билан мунтазам ва сифатли таъминлаш борасида ўз фаолиятини такомиллаштириб бормоқда.

Андижон вилояти ҳудудида 366698та суюлтирилган газдан фойдаланувчи аҳоли хонадонлари мавжуд бўлиб, жорий йил давомида жами 45267 тонна суюлтирилган газ етказиб берилиши режалаштирилган. Шундан жорий режа 25115,30 тоннани ташкил қилиб, амалда 25697,94 тонна, режага нисбатан 582,64 тонна кўп (17.07.2019 йил) миқдорда етказиб берилди.

Ишлаб чиқариш заводлардан ажратилган суюлтирилган газ миқдорларни ташиб келтиришда жами 28 дона МАН русмидаги автоцистерналардан фойдаланилади, шундан 20 донаси филиал тасарруфида ва қолган 8 донаси ёлланма. Бундан ташқари, ажратилаётган миқдорларни ўз вақтида ташиб келтиришда 27 дона вагон-цистерналар учун тегишли шартномалар расмийлаштирилган.

Мазкур суюлтирилган газ ҳажмлари филиал тасарруфидаги 3 дона ГТШ (газ тарқатиш шохобчаси) ва 2та хусусий ГТС (газ тўлдириш станцияси) ташиб келтирилиб, маиший газ баллонларга тўлдирилгандан сўнг махсус газ баллон ташувчи транспортлар орқали аҳолига етказилади.

Шаҳар-туманларда маиший газ баллонларни ташувчи махсус транспорт воситалари сони жами 77тадан иборат, шундан 57таси «ISUZU» ва 20та бошқа турдаги автотранспортлар ҳизмат кўрсатади.

Вилоятнинг Асака, Шаҳрихон ва Қўрғонтепа туманидаги ГТШлар ҳудудига маиший газ баллонлари синов марказлари ташкил қилинган бўлиб, аҳоли хонадонларида фойдаланишда бўлган маиший газ баллонларни навбатдаги синовдан ўтказиш ишлари амалга оширилмоқда.

Кўпроқ янгиликлар