BAAdan yo‘lga chiqqan Riah tankeri bir necha kun avval Ho‘rmuz bo‘g‘ozidan o‘tganidan so‘ng Eron tomonga yo‘l olgan, so‘ngra qayerda ekanligi to‘g‘risida ma'lumot uzatishni to‘xtatgan, deb xabar berdi Associated Rress.

Agentlikning qayd etishicha, Panama bayrog‘i ostida yo‘lga chiqqan ushbu tanker bilan nima yuz bergani uch kundan buyon noma'lumligicha qolmoqda.

Xabar qilinishicha, Riah tankeri odatda Dubay yoki Sharjadan yo‘lga chiqib, Ho‘rmuz bo‘g‘ozini kesib o‘tar va Al-Fujayrada langar tashlardi.

May oyida BAA tashqi ishlar vaziri mamlakat hududiy suvlari yaqinida to‘rtta tankerga hujum qilinganini ma'lum qilgandi.  

13 iyun kuni Ho‘rmuz bo‘g‘ozi yaqinida yana ikkita tankerga hujum uyushtirildi. Bu hujumlar ortida Eron turgani taxmin qilindi, ammo Tehron bu ayblovlarni rad etdi.