“Parfyumeriya” operatsiyasi fosh etildi

Jamiyat 14:14 / 11.07.2019 11290

 Yurtimizga sifati kafolatlanmagan tovar-moddiy boyliklarini yashirincha olib kirilishiga qarshi bojxona xodimlari tomonidan samarali kurash olib borilmoqda.

Jumladan, Andijon viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi xodimlari tomonidan Andijon viloyati Jalaquduq tumanida tezkor tadbir o‘tkazildi. Bu haqda Davlat bojxona qo‘mitasi axborot xizmati xabar bermoqda.

Tadbir davomida fuqaro M.S.ning yashash xonadoni belgilangan tartibda xolislar ishtirokida tekshirildi. Natijada, ushbu shaxs o‘z xonadonida fuqaro G‘.Z.ga tegishli bo‘lgan, bojxona rasmiylashtiruvidan o‘tkazilganligini tasdiqlovchi hujjatlari bo‘lmagan umumiy qiymati 66,8 million so‘mlik sifati kafolatlanmagan parfyumeriya vositalarini noqonuniy ravishda saqlab kelayotganligi aniqlandi.

Hozirda mazkur holat yuzasidan bojxona tekshiruvlari davom ettirilmoqda.

Ko‘proq yangiliklar: