Трамп нефть импортёрларини Ҳурмуз кўрфазида хавфсизликни таъминлашга чақирди

Жаҳон 18:30 / 24.06.2019 3134

АҚШ президенти Дональд Трамп нефть импортёр мамлакатларини Ҳурмуз кўрфазидаги кемалар хавфсизлигини ўзлари таъминлашига чақирди.

"Хитой кўрфаз орқали ўз нефтининг 91% ини олади, Япония – 62%, бошқа кўплаб давлатларда ҳам шундай ҳажм. Нима учун кўп йиллардан бери бошқа давлатларнинг кема йўлларини текинга биз қўриқлаймиз? Бу давлатлар ўз кемаларини ўзлари қўриқлаши керак", - деб ёзди Трамп Twitter саҳифасида.

Унинг қайд этишича, АҚШнинг Ҳурмуз кўрфазига эҳтиёжи йўқ, чунки у жаҳондаги энг йирик энергия экспортёрига айланган.

Аввалроқ Ҳурмуз кўрфазида иккита нефть танкерига ҳужум уюштирилганди. АҚШ ва Буюк Британия ҳужумларда Эронни айблади. Эрон эса бу айбловлар асоссиз эканлигини билдирди.

Кўпроқ янгиликлар