Bojxona xodimlari respublikaga sifati kafolatlanmagan tibbiyot buyumlarining noqonuniy olib kirishga bo‘lgan urinishni fosh qilishdi.

Toshkent viloyati bojxona boshqarmasi “Oybek” chegara bojxona posti xodimlari tomonidan qo‘shni davlatdan kirib kelgan fuqaro D.M. boshqaruvidagi Mersedes Benz rusumli avtotransport vositasini bojxona ko‘rigidan o‘tkazildi.

Natijada, uning saloni va haydovchi o‘rindig‘i ichki qismiga yashirilgan, yo‘lovchi bojxona deklaratsiyasida ko‘rsatilmagan va og‘zaki so‘rovda ma'lum qilinmagan, qiymati 25 million so‘mlik 855 dona tibbiyotda foydalaniladigan har xil o‘lchamdagi “Vikril” (ketgut) iplari borligi aniqlandi.

Hozirda mazkur holatlar yuzasidan bojxona tekshiruvlari davom ettirilmoqda.