Келажакнинг энг яхши меҳмонхоналари

Lifestyle 15:20 / 30.05.2019 17133

Ҳозирги кунда меҳмонхоналар – кондиционерли хонанинг ўзигина эмас. Технологик ривожланиш меҳмонхона саноатига ўз таъсирини кўрсатди. Аксинча, бутун дунёдаги отельерлар кўплаб буюмларни яратишда новаторлар саналишади. 

Меҳмонхона саноатида намойиш этиладиган ёрқин инновациялардан бири меҳмонхонани бошқариш тизимидан фойдаланиш бўлиб, у ходим ва меҳмонлар орасидаги тартибсизликдан халос бўлишда ёрдам беради. Махсус датчиклар меҳмонга қачон уйғонишни айтади, робот-ходимлар эса унга таом ва янги сочиқлар келтириши мумкин. facte.ru ҳозирда мавжуд ва яқин келажакда пайдо бўладиган меҳмонхоналар ҳақидаги маълумотларни тақдим этган.

Посейдон денгиз курортлари

Масканнинг очилиши 2008 йилга мўлжалланган эди. Бироқ ишлаб чиқариш билан боғлиқ муаммолар жараённи секинлаштирди. Посейдон дам олиш маскани технологик илғор сув ости меҳмонхонасига айланади. Бу нафақат бетакрор сервисни таклиф этиш, балки меҳмонхона жойлашган ердаги атроф-муҳитни асрашга мўлжалланган экологик лойиҳанинг бир қисмидир.

У Фижи қирғоқларида жойлашади. Катта деразалар эса хушманзарадан баҳра олиш имкониятини беради.

Krystall меҳмонхонаси

Европадаги илк «сузувчи меҳмонхона» деб аталган Krystall меҳмонхонаси улкан қор парчаси шаклида ва Норвегия фьордлари қирғоқларида жойлашади.

Меҳмонхона Қутб айланасида жойлашади. Бундай ғаройиб жойлашув ташрифчиларга шимол ёғдусини томоша қилиш учун шароит яратади. 

Посейдон денгиз курортлари каби Krystall меҳмонхонаси ҳам «чексиз лойиҳа»га айланади. Бу унинг атроф-муҳитга таъсир кўрсатмаслигини англатади.

Shimao Hotel

Келажак меҳмонхоналари нотаниш жойларда қуриладиган кўринади. Чиройли манзарали адирликларни излаш ўрнига Хитойдаги Shimao Hotel дизайнерлари меҳмонхонани ташландиқ саёзликда қуришди.

Улкан, сув тўлдирилган ўра сайёҳлар учун ғаройиб имкониятларга эга жойга айланди.

Меҳмонхонанинг ҳар икки томонида қоялар бор. Улар ва сув сайёҳларга сув спорти турлари ва банжи-жампингдан завқ олиш имконини беради.

Unbalance меҳмонхонаси

Перунинг пойтахти Лима шаҳридан узоқ бўлмаган қояларда жойлашган ва океанга қараган Unbalance меҳмонхонаси шундай лойиҳалаштирилганки, суратлар учун катта ҳошиядек кўринади.

Бино 30 градусга эгилган. Меҳмонхона ўртасида катта тешик бор. Ғаройиб лойиҳа.

Water Discus Hotel

Бу меҳмонхона иш бошлагач, Дубайнинг энг яхши меҳмонхонаси ҳисобланиши мумкин.

Посейдон каби у ҳам атроф-муҳитга кам таъсир кўрсатадиган қилиб лойиҳалаштирилган.

Европадаги энг баланд бино

Агар улкан осмонўпар бинони қурмоқчи бўлсангиз, уни Швейцариядаги қишлоққа жойлаштирармидингиз? Бу ғаройиб, бироқ жанубий америкалик архитектор Том Мэйн айнан шуни режалаштирган.

80 қаватли ҳашаматли дам  олиш маскани Лондондаги The Shard’ни 70 метрга ортда қолдириб, Европадаги энг баланд бино бўлади.

Бино шундай лойиҳалаштирилганки, юқоридаги қаватлар Ердаги қаватлардан катта фарқ қилади.

MORPHotel

Футуристик меҳмонхоналарнинг энг зўр дизайнларидан бири. Меҳмонхона об-ҳаво шароитларига қараб ўз шаклини ўзгартиради.

Шу тариқа, MORPHotel’нинг доимий жойлашув ери бўлмайди. У эгалари қаерда тўхташни истаса, ана ўша ерга сузиб боради.

Дизайн умуртқа ғоясига асосланган.

Hollywood Hotel

Голливудда сайёҳларни жойлаштириш вариантлари жуда кўп. Бироқ буниси ғаройиб бўлади.

Даванг тоғ курорти

Хитой тоғларида дунёдаги энг йирик курортлардан бири пайдо бўлади. 150 минг квадрат метрдан ортиқ ҳудудда аквабоғ, чанғи трассалари ва улкан шаршара жойлашади.

Lofoten Opera Hotel

Сидней опера театрини ёдга солади. Lofoten Opera Hotel судралаётган улкан металл илон каби кўринади.

Швед қирғоқ бўйларидаги тоғ тизмаларига яширинган меҳмонхона апартамент ва люксларни ўз ичига олади. Ташрифчиларга табиатдан баҳра олиш имконини беради.

Қайд этиш жоизки, тўпламдаги айрим меҳмонхоналарнинг шахсий сайтлари бор. Уларнинг янгиликларига обуна бўлиш мумкин.

Кўпроқ янгиликлар