Internet asoschisi tarmoqning asosiy xavfi nima ekanini aytdi 

Fan-texnika 15:40 / 04.05.2019 19600

Tim Berners-Li internet yaratilganining 30 yilligiga atab ochiq xat e'lon qildi. U tarmoqning imkoniyatlarini suiiste'mol qilish xavfi haqida so‘z yuritdi va uni yaxshilash ustida ishlashga chaqirdi.

World Wide Web Foundation tashkiloti saytida nashr qilingan maqolada Berners-Li global tarmoq odamlar hayotini qulayroq qilgani, biroq shunda ham uning imkoniyatlarini suiiste'mol qilish xavfi mavjudligini aytdi.

Bugun internetdan kelib chiqib, yechish kerak bo‘lgan asosiy xavflar sifatida Berners-Li quyidagilarni sanab o‘tdi:

davlatlar tomonidan homiylashtirilgan xakerlar hujumi kabi qasddan qilingan harakatlar va internetdagi jinoyat;

qalbaki rag‘batni yaratuvchi, klikbeyt va yolg‘on xabar tarqatilishini qo‘llab-quvvatlovchi platformalar;

ijobiy maqsadlarni ko‘zlab yaratilgan platformalarda onlayn-muloqot vaqtida madaniyatning pasayishi kabi kutilmagan salbiy oqibatlarning yuzaga kelishi.

Internet asoschisi bu muammolarni yangi qonunlarni yaratish, tarmoq foydalanuvchilari uchun rag‘batni o‘zgartirish, shuningdek mavjud platformalarni ko‘zdan kechirish va yangilarini yaratish orqali hal etishga chaqirdi.

«Hukumat, tarmoq va birgina odamning o‘zinigina ayblay olmaysiz. Soddalashtirilgan yondashuv quvvatimizni yeb bitiradi, chunki biz muammolarning sababiga diqqatni qaratish o‘rniga uning belgilari bilan kurashyapmiz. Buni to‘g‘ri amalga oshirish uchun esa global veb-hamjamiyatiga birlashishimiz lozim», - deya undamoqda Berners-Li.

Ko‘proq yangiliklar: