Машҳур япон актрисаси Ўзбекистоннинг Япониядаги туристик бренди элчиси этиб тайинланди

Ўзбекистон 13:49 / 23.04.2019 5360

Япониялик машҳур актриса Маеда Ацуко Ўзбекистоннинг кунчиқар мамлакатдаги туристик бренди элчиси этиб тайинланди. "Ўзбекистон туризм элчиси" сертификатини топшириш маросими 23 апрель куни Токио шаҳрида бўлиб ўтди, дея хабар беради Туризмни ривожлантириш давлат қўмитаси матбуот хизмати.

Япониянинг етакчи оммавий ахборот воситалари ушбу ҳодисани кенг ёритмоқда ва бу япониялик салоҳиятли сайёҳлар орасида Ўзбекистонни туристик бренд сифатида танитиш йўлида хизмат қилади.

Туризм элчисига сертификат топшириш маросимида Ўзбекистон Республикаси Бош вазир ўринбосари Азиз Абдуҳакимовнинг видеомурожаати намойиш этилди.

Маеда Ацуко — таниқли япон актрисаси ва қўшиқчиси. 2005 йилдан 2012 йилгача «AKB48» гуруҳи таркибида бўлган, айни дамда эса яккахон ижрочи сифатида фаолият юритмоқда. Маеда кинодаги илк ролини 2007 йилда режиссёр Ичикава Жунанинг "Ўзликни англаш" фильмида ижро этган. 2011 йилда "Сен учун боримча" сериалидаги Асия Мидзуки роли унинг довруғини янада кенг таратган.

Кўпроқ янгиликлар