17 апрелда ҳибсга олиниши вақтида ўз бўйнига ўқ узган Перунинг собиқ президенти Алан Гарсия шифохонада ўзига келмай вафот этди. 70 ёшли Гарсия ўз жонига қасд қилишга уринишдан кейин оғир аҳволда шифохонага етказилганди.

Шифокорлар Гарсия кома ҳолатида эканлиги, унинг юраги уч марта тўхтаб қолгани ва жонлантириш олиб борилганини маълум қилишган.  

Telesur нашрининг маълум қилишича, собиқ президент ҳушига келмай вафот этган. 

Гарсия Перу президенти лавозимини 2 маротаба – 1985-1990 ва 2006-2011 йилларда эгаллаган. Унга президентлиги вақтида Бразилиянинг Odebrecht қурилиш компаниясидан пора олиш айблови қўйилганди.