“Рома” ўйинчиларига канадалик реп ижрочи Дрейк билан суратга тушиш тақиқлаб қўйилди

Спорт 23:32 / 16.04.2019 3662

Италиянинг “Рома” клуби раҳбарияти жамоа ўйинчиларига канадалик реп ижрочи Дрейк билан биргаликда суратга тушишни тақиқлаб қўйди. Тегишли буйруқ клубнинг твиттердаги расмий саҳифасида эълон қилинган. 

“Рома”нинг барча футболчиларига мавсум охиригача Дрейк билан суратга тушиш тақиқланади”, дейилган эълонда.

Барчасига эса клуб раҳбарияти ирим қилаётгани сабабдир. Гап шундаки, ушбу реп ижрочини қўллаб-қувватловчи жамоалар мағлубиятга учраши ҳақида миш-мишлар юради. 

Мисол учун, ўтган ҳафта канадалик “ПСЖ” ўйинчиси Левен Курзава билан суратга тушгач, француз жамоаси Франция чемпионатида “Лилл”га 1:5 ҳисобида ютқазган.

Шунингдек, “Арсенал” ҳужумчиси Пьер-Эмерик Обамеянг, “Манчестер Юнайтед” ярим ҳимоячиси Поль Погба ва “Манчестер Сити” ҳужумчиси Серхио Агуэро ҳам “Дрейк ланъати” “қурбонлари”га айланишган. Таъкидланишича, бу футболчилар реп ижрочи билан суратга тушгач, жамоалари мағлубиятга учраган.

Шунингдек, Дрейк Конор Макгрегорга Хабиб Нурмагомедовга қарши жанги олдидан вазн ўлчаш маросимида ҳамроҳлик қилган. Икки яккакурашчининг жанги кимнинг ғалабаси билан якунлагани эса кўпчиликка аён.

Кўпроқ янгиликлар