Shanxaydagi avtosalonda Aston Martin kompaniyasi o‘zi tomonidan ishlab chiqarilgan birinchi elektrokarni namoyish etdi. Bu sedan bo‘lib, Rapide E nomini oldi.

Avtomobil 65 kilovatt batareya bilan jihozlangan. Ishlab chiqaruvchining bayonotiga ko‘ra, avtomobil bir zaryadda «200 chaqirimdan oshiqroq» masofani bosib o‘tishi mumkin. Motorning kuchi taxminan 600 ot kuchiga teng, maksimal tezlik soatiga 250 kilometrni tashkil etadi.

Aston Martin Rapide E’dan faqat 155 nusxa ishlab chiqarishni rejalashtirmoqda. Mashina narxi hozircha e'lon qilinmadi.

Rapide E haqida birinchi marta 2015 yilda e'lon qilindi. Shundan so‘ng, Aston Martin xarajatlarni qisqartirish global dasturini qabul qildi, buning natijasida loyiha muzlatildi.