O‘zbekiston Respublikasi Prezidenti qarori bilan Davlat aktivlarini boshqarish agentligi direktori tayinlandi. Bu haqda Kun.uz axborot manbasi xabar bermoqda.
Qayd etilishicha, Ahadbek Yahyobekovich Haydarov O‘zbekiston Respublikasi Davlat aktivlarini boshqarish agentligi direktori lavozimini egallagan. Shu munosabat bilan u O‘zbekiston Respublikasi moliya vazirining birinchi o‘rinbosari lavozimidan ozod etildi.
O‘zbekiston prezidenti Shavkat Mirziyoyev 2019 yil 11 aprel kuni bu haqdagi tegishli hujjatni imzolagan.
Ma'lumot uchun: Ahadbek Haydarov bungacha moliya vazirining o‘rinbosari sifatida ham ishlab, ijtimoiy soha, ilm-fan, boshqaruv organlarini moliyalashtirish masalalarini va Budjetdan tashqari Pensiya jamg‘armasi faoliyatini nazorat qilgan. Ushbu lavozimga tayinlanguniga qadar u «Mikrokreditbank» ATB boshqaruv raisi bo‘lib ishlagan.
