O‘zbekiston va Belarus mashinasozlik, qishloq xo‘jaligi, agrosanoat texnologiyalari, tibbiyot va farmatsevtika, yangi materiallar, AKT, genetika va biotexnologiyalar sohalariga oid 15 qo‘shma loyiha ro‘yxatini muvofiqlashtirdi. Belarus Respublikasi Fan va texnologiyalar davlat qo‘mitasi raisi Aleksandr Shumilin O‘zbekiston-Belarus fan va texnologiyalar bo‘yicha birinchi komissiyasi yig‘ilishida shunday bayonot berdi. 

Uning so‘zlariga ko‘ra, loyihalar 2019-2021 yillarga mo‘ljallangan qo‘shma ilmiy-texnik loyihalar tanlovi yakunlari bo‘yicha saralangan. Yaqin kunlarda uni amalga oshirishga kirishiladi. Bundan tashqari, tomonlar O‘zbekiston va Belarusda ikki qo‘shma ilmiy-tadqiqot laboratoriyasini yaratishni rejalashtirilmoqda. 

Yig‘ilish davomida Aleksandr Shumilin va O‘zbekiston Respublikasi Innovatsion rivojlantirish vaziri Ibrohim Abdurahmonov 2019-2021 yillarga mo‘ljallangan ilmiy-texnik va innovatsion hamkorlik ijrosi dasturini imzolashdi. 

Hujjatga ko‘ra, Belarus va O‘zbekiston ilg‘or texnologiyalar bo‘yicha ilmiy-texnik hamkorlikni rivojlantirishadi, qo‘shma loyihalarni amalga oshirishadi, olimlar, tadqiqotlar va mutaxassislar o‘zaro almashinuvini yo‘lga qo‘yishadi.