2018 йили Россиядан Ўзбекистонга 3,96 млрд доллар юборилди

Иқтисодиёт 13:14 / 31.03.2019 4415

2018 йилда Ўзбекистоннинг трансчегаравий пул ўтказмалари ҳажми 5,11 миллиард доллардан ошиқни ташкил этди (2017 йилда 4,89 миллиард доллар). Бу ҳақда Марказий банк маълумотномасида келтирилган.

Маълумотларга кўра, Ўзбекистондан хорижий мамлакатларга 899,9 миллион доллар ўтказилган (2017 йилда 724,5 миллион доллар).

Ўтган йили Ўзбекистон МДҲ давлатларидан 4,35 миллиард доллар (2017 йилда 4,29 миллиард доллар), шу жумладан, Россиядан 3,96 миллиард доллар (2017 йилда 3,9 миллиард доллар) ва Қозоғистондан 320 миллион долларлик пул ўтказмалари олган (2017 йилда 317,9 миллион доллар).

Ўтган йилда Ўзбекистондан МДҲ мамлакатларига ўтказилган пул ўтказмалари ҳажми 556,8 миллион долларга етган (2017 йилда 470,9 миллион доллар). Бошқа мамлакатларга эса 343 миллион доллар (2017 йилда 253,6 миллион доллар) юборилган. Ўтган йили жисмоний шахслар Россияга 402,2 миллион доллар жўнатишган.

Кўпроқ янгиликлар