Fitch: Ўзбекистон банк секторининг валюта хатари сезиларли даражада

Иқтисодиёт 17:46 / 28.03.2019 16419

Fitch Ratings 26 март куни Ўзбекистон банк сектори ривожи бўйича прогнозни эълон қилди. Таҳлилчиларнинг таъкидлашича, прогноз 2018 йил учун натижаларни ҳисобга олиб, барқарор бўлиб қолмоқда, бу активлар яхши сифати ва рентабелликдан дарак беради.

Шу билан бирга, капиталлашув ва ликвидлик даражаси паст, кредитлашнинг тез ўсиши (2018 йилда 51%) ва хорижий валютада кредитлар бериш билан боғлиқ хатарлар мавжуд.

Активлар сифати яхши саналади: 2018 йил охирида секторда қадрсизланган кредитлар ялпи кредитлардан 1,3%ни ташкил этган ва кредитлар бўйича йўқотишларга захиралар орқали тўлиқ қопланган, дея қайд этади таҳлилчилар.

Секторда кредитларнинг юқори долларлашуви (2018 йил охирида 56%) ҳисобга олинган ҳолда, валюта хатари анча катта саналади.

«Кичик корхоналарга берилган кредитлар, одатда, валюта хатарига кўпроқ учрайди, сабаби давлат мулкидаги йирик компанияларга кредитлар, шу жумладан, секторда хорижий валютадаги йирик кредитлар давлат томонидан кафолатланади», - дейилади хабарда.

Активлар сифати билан боғлиқ бўлган хатарлар ҳам кичик ва ўрта бизнес компаниялари орасидаги қарз олувчиларнинг чекланган шаффофлиги ҳамда қарз олувчилар максимал қарз юкламасига лимитлар йўқлигида чакана кредитлаш кучсиз тартибга солиниши билан изоҳланади.

Секторда ўртача капиталга даромад 2018 йилда 13,5%ни ташкил этди, соф фоиз маржаси 4,4%лик даражада бўлди, бунга Марказий банк томонидан қайта молиялаш ставкаси оширилганидан кейин миллий валютадаги кредитлар бўйича юқори фоиз ставкалари туртки берди.

Кредитлашнинг тезкор ўсиши давом этиши мумкин, бироқ Fitch тахминига кўра, капиталлашув минимал даражадан бироз юқорида бўлади. Сектор ликвидлиги ҳам кредитлашнинг ўсиши босими остида қолади.

Кўпроқ янгиликлар