Uzbekbuild кўргазмасида Туркиянинг энг йирик бетон компанияси ҳам иштирок  этади

Иқтисодиёт 12:00 / 18.03.2019 2448

Туркиянинг 40 йилдан ортиқ вақтдан буён бетон маҳсулотлари ишлаб чиқариб келувчи ELKON компанияси Uzbekbuild кўзгазмасида иштирок этади. Шу йилнинг 3-5 апрель кунлари Тошкентнинг «DIMAX» савдо-кўргазма бизнес марказида илк бор “ишчи шароитда ишчи кўргазма бўлиб ўтиши” ҳақида аввал хабар қилган эдик.

Дунёнинг 6 қитъаси, 120 мамлакатида 3500дан ортиқ бетон заводларига эга ELKON компанияси Uzbekbuild кўргазмасига ташриф буюрганларга ўзининг энг сўнгги ишланмалари ва технологияларини намойиш этади. У кўчма, ихчам, стационар ва иншоотларолди бетон аралаштиргич узеллардан ташқари, прицепли бетононасослар, цементни узатиш тизимлари ва бетон рециклинг ускуналари, цемент учун силослар ишлаб чиқаради.

Бундан ташқари, компания махсус бетон заводлар ҳамда турли хил темир-бетон маҳсулотлар, бетон девор панеллари, бетон плиталар, шпал, йўлак брусчаткалари, тўсиқлар, қувурлар учун махсус вибропресслар, бетонни узатишнинг турли тизимларини лойиҳалаштиради. Кўргазмага келиб, Туркиянинг энг йирик компанияларидан бири - ELKON фаолияти билан танишинг. Эслатиб ўтамиз, Uzbekbuild кўргазмасига кириш мутлақо бепул.

2019 йилнинг 3-5 апрель кунлари DİMAX савдо-кўргазма бизнес марказида UzbekBuild ўзбек-турк қурилиш кўргазмаси бўлиб ўтади. У Қурилиш вазирлиги, ССП, ЎзЛиДеП, ҳамда MUSIAD’нинг Ўзбекистондаги ваколатхонаси қўллаб-қувватлаши асосида ташкил этилмоқда.

«DIMAX SANOAT SAVDO-KO‘RGAZMA BIZNES MARKAZI» ва BOĞAZİÇİ İHTİSAS FUARCILIK LİMİTED ŞİRKETİ ҳамкорликда UzbekBuild қурилиш ускуналари, техникалари ва қурилиш материаллари кўргазмасини ўтказади. Мазкур кўргазманинг эътиборли жиҳати, кўргазма ишчи вазиятда саноат зонасида ташкил этилаётганидир.

Хўш, Uzbekbuild кўргазмасида қандай маҳсулотлар намойиш этилади?

Туркиянинг қурилиш индустрияси соҳасидаги 32 етакчи компанияси иштирок этадиган кўргазмада бетон заводлар, асфальт заводлари, кўтарма кранлар, экскаваторлар, грейдерлар, юклаш машиналари, майдаловчи-сараловчи ускуналар, брусчатка ва сплитер блоклар ишлаб чиқарувчи ускуналар, махсус қурилиш техникаларига эҳтиёт қисмлари, қозиқлар (сваи)ни урувчи бурғилаш техникалари, бетоннасослар, бетонаралаштирувчи транспорт воситалари кабилар намойиш қилинади.

Бундан ташқари, қурилиш буёқлари, металлга ишлов бериш қурилмалари, электр ёриткич жиҳозлари ва ускуналари, ёриткич устунлари, иситиш тизими, совутиш ва ҳаво айлантириш тизими, кранлар, йўл тўсиқлари, юк ва йўловчи кўтаргичлари, ишлов бериш учун декоратив материаллар, меъморчилик ечимлари, ландшафт дизайни ва кўкаламзорлаштириш воситалари кабилар ҳам кўргазмага келганлар эътиборига ҳавола этилади.

4 апрель куни кўргазма доирасида 14:00-17:00да ўзбек-турк тадбиркорлари ўртасида икки томонлама В2В корпоратив учрашувлар ташкил этилади. Таъкидлаш ўринлики, кўргазмага кириш мутлақо бепул.

Кўргазмада иштирок этишни, ўз маҳсулотларини намойиш қилишни истаган ташкилотлар www.uzbekbuild.com/b2b сайтида ёки +998903524200 рақамига қўнғироқ қилиб рўйхатдан ўтишлари мумкин. Шу билан бирга, DİMAX савдо-кўргазма бизнес марказига кираверишдаги рўйхатхонада қайддан ўтиш имконияти мавжуд.

Кўргазма доирасида, шунингдек, Ўзбек-Турк қурилиш бизнес форуми ҳам бўлиб ўтади. У 2019 йил 3 апрель, кўргазма очилиш кунида ташкил этилади. Мазкур форумда бетон, асфальт ва инерт материаллар ишлаб чиқаришнинг энг янги замонавий технологиялар ҳақида маълумотлар берилади.

Кўргазма ҳамкор ташкилотчиси Утку Бенгисунинг қайд этишича, у Тошкентда кўргазмани ташкил этиш учун DİMAX савдо-кўргазма бизнес марказини бежизга танламаган. Тошкент Халқа автомобил йўлига ёндош ҳудуддаги саноат зонаси яқинида қурилиш материаллари сотиладиган йирик бозор ҳам жойлашган. Шу йўл билан қурилиш материаллари ва маҳсулотлари сотувчилар ҳамда тадбиркорларга манзилли етказиш имкони тақдим этилади.

Кўргазмага 3 кун мобайнида кириш мутлақо бепул бўлиб, 10:00-18:00 оралиғида ташриф буюриш мумкин. Кўргазма ҳақида батафсил маълумотни www.uzbekbuild.com сайтида ёки t.me/Qurilishkorgazmasi Telegram каналида олиш мумкин.

Қисқача маълумот: Қурилиш техникаси, ускуналари ва материаллари кўргазмаси.

2019 йил 3-5 апрель, 10:00-18:00.

Манзил: Тошкент шаҳри, DİMAX савдо-кўргазма бизнес маркази (Учтепа тумани, ТХАЙ, Саноат худуди 5).

4 апрель - В2В учрашувлар: 14:00-17:00

Тел.: +998903524200

Электрон почта: info@uzbekbuild.com

Кўпроқ янгиликлар