Ўзбекистонда долларнинг расмий курси яна кўтарила бошлади

Иқтисодиёт 14:35 / 18.03.2019 18196

Ўзбекистон Республикаси Марказий банки 19 мартдан хорижий валюталарнинг сўмга нисбатан янги қийматини белгилади.

Унга кўра 1 АҚШ доллари ўтган ҳафтадаги курсга нисбатан 3,94 сўмга қимматлашган ва 1 доллар 8378,04 сўмни ташкил этган. 

1 евро курси 77,32 сўмга кўтарилиб, 9488,13 сўмга етган.

1 рубль эса 2,91 сўмга ошиб, 129,09 сўмга тенг бўлиб турибди.

Қайд этиш керакки, Ўзбекистонда доллар курси кетма-кет икки марта пасайгач, яна кўтарилишни бошлади. Ўтган ҳафтада долларнинг расмий курси 18,86 сўмга арзонлашганди.

Валюта қийматини белгилаш чоғида Ўзбекистон Республикаси Марказий банки мазкур валюталарни ушбу қийматда сотиш ёки сотиб олиш мажбуриятини олмаган.

Кўпроқ янгиликлар