Shakar importi bir necha barobarga kamaydi. Bundan Davlat statistika qo‘mitasi ma'lumotlari darak beryapti.

Yanvar-fevral oylarida respublika 18,3 million dollarlik xorij shakarini sotib oldi. Bu 2018 yil yanvar-fevral oyidagi ko‘rsatkichga qaraganda deyarli 81 foizga kamdir.

O‘tgan yillarda O‘zbekistonda shakar yetishmovchiligi bir necha bor kuzatildi. Bunday holatlardan biri 2015 yilda ro‘y bergan bo‘lib, o‘shanda shakarning chakana narxlari keskin oshgandi.

2017 yilda shakar olib kirishga bojxona bojlari bekor qilindi, bu mamlakatga xorijiy shakar uchun yo‘l ochdi. Shundan keyin, Rossiya shakari birinchi marta peshtaxtalarda paydo bo‘ldi.

Import qilingan shakar tufayli nafaqat O‘zbekiston aholisining ehtiyojlari qondirildi, balki narx pasaytirildi, deya ta'kidlab o‘tishgandi «O‘zbekoziqovqatxolding»dan.

2018 yil mobaynida O‘zbekiston amalda import qilingan shakar iste'mol qildi, sababi, hisob-kitoblarga ko‘ra, mahalliy zavodlar deyarli ishlamagan. 

Bundan oldin, O‘zbekiston ikki oyda importga 3,35 mlrd dollar sarflagani xabar qilingandi.