Ўзбекистон ва Қозоғистон биргаликда 16 минг дона автомобиль ишлаб чиқаради

Иқтисодиёт 09:54 / 16.03.2019 30332

Тошкентда биринчи Марказий Осиё иқтисодий форуми доирасида GM Uzbekistan ва «СариаркаАвтоПром» ўртасида ишлаб чиқаришни ривожлантириш бўйича шартнома имзоланди. Бу ҳақда Қозоғистон бош вазири матбуот хизмати хабар берди.

Шартномани имзолаш маросимида Қозоғистон бош вазири ўринбосари Ж.Қосимбек ва Ўзбекистон Республикаси бош вазири ўринбосари Э.Ғаниев иштирок этди.

Учрашув давомида автомобиль саноати соҳасидаги ҳамкорлик истиқболлари, инвестицион ҳамкорликни кенгайтириш, минтақавий савдони рағбатлантириш ва бошқа масалалар муҳокама қилинди. Учрашув якунида автомобилсозликни ривожлантириш бўйича келишув имзоланди. Томонлар 2019 йил охирига қадар, ҳам Қозоғистон бозори, ҳам экспорт бозорлари, шу жумладан, Россия Федерациясида сотишга мўлжалланган 16 минг дона техника ишлаб чиқаришга келишиб олдилар.

Шунингдек, автомобиль ишлаб чиқарувчилар қўшма корхона ташкил этиш, маҳаллийлаштиришни чуқурлаштириш, автомобиль таркибий қисмлари базасини ривожлантириш, янги рақобатбардош моделлар бўйича ҳамкорликни давом эттириш, ишлаб чиқарилувчи маҳсулот сифатини яхшилаш бўйича чора-тадбирларни муҳокама қилдилар.

Бундан олдин, Ўзбекистонда автомобиллар ишлаб чиқариш 51 фоизга ошганди.

Кўпроқ янгиликлар