Венесуэла БМТни АҚШнинг гуманитар ёрдами хавфли бўлиши мумкинлигидан огоҳлантирди

Жаҳон 07:33 / 23.02.2019 6117

Венесуэла БМТ бош котиби Антониу Гутеррешни АҚШ шубҳали тарзда Венесуэлага ўз гуманитар ёрдамини “суқиштираётгани”, унинг остида қурол бўлиши мумкинлигидан огоҳлантирди. Бу ҳақда мамлакат ташқи ишлар вазири Хорхе Арреаса маълум қилди. 

“Бу гуманитар ёрдам орасида қурол бўлиши мумкин”, деб айтган Арреаса.

“Бу ёрдам Венесуэлага бунинг учун зарур бўлган оддий тамойилларга ҳам амал қилинмаган ҳолда етказилмоқда. Бош котиб бунинг ортидан синчковлик билан кузатмоқда”, деб қўшимча қилган у.

Таъкидланишича, қуроллар орасида йирик калибрли пулемётлар, автоматик гранатомётлар, кўчириб юрилувчи зенит-ракета мажмуалари, ўқотар ва артиллерия қуролига ўқ-дори бўлиши мумкин. 

Аввалроқ АҚШ Колумбияга бир қатор ҳарбий самолётларни жўнатган. Давлат департаментида таъкидланишича, бу самолётларга гуманитар ёрдам ортилган. Венесуэла ҳукумати эса гуманитар ёрдам остида иғво тайёрланаётганини таъкидламоқда.

Венесуэланинг Вашингтондаги вакили мухолифатга қурол берилиши режалари йўқлигини таъкидламоқда.

Кўпроқ янгиликлар