Tojikiston-O‘zbekiston tovar aylanmasi hajmi joriy yilning yanvar oyida 10,2 million dollarni tashkil etdi, bu o‘tgan yilning shu davriga qaraganda 35 foizga kam. Bu haqda Tojikiston prezidenti huzuridagi statistika agentligi xabar berdi, deb yozmoqda «ASIA-Plus». 

Nashr ma'lumotlariga ko‘ra, ikki tomonlama savdoning kamayishiga O‘zbekistonga eksport qilinuvchi tojik mahsulotlari miqdori keskin pasaygani sabab: o‘tgan yilning yanvar oyidagi qariyb 9 million dollardan joriy yil yanvar oyidagi 2,5 ming dollargacha.

O‘tgan yilning yanvar oyida ikki mamlakat o‘rtasidagi savdo aylanmasi 15,8 million dollarni tashkil qilgan.

Tojikiston tomonidan o‘zbek tovarlarini import qilish ham qisqargan, ammo nisbatan kamroq darajada: 6,7 million dollardan 3,2 million dollargacha.

Tojikiston va O‘zbekiston o‘rtasidagi tovar ayirboshlash hajmi so‘nggi to‘rt yilda deyarli 12 barobarga o‘sdi, 2014 yildagi 13 million dollardan 2018 yildagi 155 million dollargacha.