Moliya vazirligi davlat xaridlari sohasidagi vakolatli organga aylanadi

Normativ-huquqiy hujjatlar loyihalari muhokamasi portalida “Xarid qilish tartib-taomillarini tashkil etish va o‘tkazish tartibi to‘g‘risidagi nizomga o‘zgartirishlar va qo‘shimchalar kiritish haqida”gi hujjat loyihasi joylashtirildi.

Xarid qilish tartib-taomillarini tashkil etish va o‘tkazish tartibi to‘g‘risidagi nizomga kiritiladigan quyidagi o‘zgartirishlar va qo‘shimchalar kiritiladi:

1-bandning yigirmanchi xatboshisi (davlat xaridlari sohasidagi vakolatli organ - O‘zbekiston Respublikasi prezidenti huzuridagi Loyiha boshqaruvi milliy agentligi) quyidagi tahrirda bayon etiladi:

“davlat xaridlari sohasidagi vakolatli organ - O‘zbekiston Respublikasi Moliya vazirligi;”.

7-banddagi “Buyurtmachi” degan so‘z “Korporativ buyurtmachi” degan so‘zlar bilan almashtiriladi.

10-band o‘z kuchini yo‘qotgan deb topiladi.

20-band “holda” degan so‘zdan keyin “ofertani taklif etgan ishtirokchiga hamda” degan so‘zlar bilan to‘ldiriladi.

24-banddagi va 34-bandning ikkinchi xatboshisidagi “Buyurtmachilar” degan so‘z “Korporativ buyurtmachilar” degan so‘zlar bilan almashtiriladi.

35-banddagi “o‘n” degan so‘z “besh” degan so‘z bilan almashtiriladi.

40-band “vazirligining” degan so‘zdan keyin “davlat moliyasini boshqarish axborot tizimi” degan so‘zlar bilan to‘ldiriladi.

47-banddagi “O‘zbekiston Respublikasi prezidenti huzuridagi Loyiha boshqaruvi milliy agentligi” degan so‘zlar “O‘zbekiston Respublikasi Iqtisodiyot va sanoat vazirligi” degan so‘zlar bilan almashtiriladi.

53- va 132-bandlardagi “O‘zbekiston Respublikasi Investitsiyalar bo‘yicha davlat qo‘mitasining” degan so‘zlar “O‘zbekiston Respublikasi Investitsiyalar va tashqi savdo vazirligining” degan so‘zlar bilan almashtiriladi.

65-banddagi “o‘ttiz” degan so‘z “o‘n” degan so‘z bilan almashtiriladi.

221-bandning ikkinchi xatboshisi “Markazga” degan so‘zdan keyin “va vakolatli davlat organlariga” degan so‘lar bilan to‘ldiriladi.

6-bob quyidagi tahrirdagi 235-1-band bilan to‘ldiriladi:

“235-1. Ma'lumot bazalari elektron hamkorligi orqali buyurtmachilar bilan tuzilgan shartnomalar reyestri bo‘yicha ma'lumotlar almashinuvi maxsus axborot portali va DMBAT o‘rtasida kunlik amalga oshiriladi”.

241-band o‘z kuchini yo‘qotgan deb topiladi.