Қирғизистон - Ўзбекистон чегарасида беш нафар шахс қўлга олинди

Жамият 15:32 / 18.02.2019 26394

Қирғизистон Давлат чегара хизматининг Жалолобод вилояти бўйича чегарачилари милиция билан ҳамкорликда тилла тақинчоқларни ўғирлашда гумон қилинган шахсларни қўлга олишди. Бу ҳақда Қирғизистон Давлат чегара хизмати хабар берди.

Унинг сўзларига кўра, ўғирлик Жалолобод ЦУМида юз берган. Қирғизистон-Ўзбекистон чегарасидаги «Маданият- автодорожний» назорат-ўтказиш пункти орқали чегарани кесиб ўтишга уриниш чоғида чегара наряди томонидан беш нафар гумонланувчи қўлга олинган.

«Текширув давомида уларнинг ёнидан аввал ўғирланган тилла буюмлар топилди. Тегишли ҳужжатлар расмийлаштирилгач, қўлга олинган шахслар Қирғизистон Ички ишлар вазирлигининг Жалолобод вилояти бўйича ходимларига топширилди», - дейилади хабарда.

Кўпроқ янгиликлар