“Тошшаҳартрансхизмат” АЖга қарашли автосаройларга янги автобуслар келтирилиши давом этмоқда, деб хабар беради Тошкент шаҳар ҳокимлиги матбуот хизмати.

Қайд этилишича, бу ҳаракат таркибини босқичма-босқич янгилаб боришга ёрдам беради.

Хусусан, 4 автобус саройи тасарруфидаги 84-“Эркин қўрғони – “Обод турмуш” маҳалласи” йўналишига 10 та ўрта сиғимли SAZ LE 60 автобуслари бириктирилди.  Бундан ташқари 7 автобус саройи тасарруфидаги 9т–“Чилонзор, 25 даҳа – Тошкент вокзали” йўналишига ҳам худди шу русумдаги 3 та автобус қўйилди.

Янги автобуслар 12 февралдан йўналишларда фаолиятни бошлаган.