ОАВ: Индонезияда ИШИД молиячиси қўлга олинди

Жаҳон 20:00 / 11.02.2019 10978

Индонезия полицияси ИШИДга алоқадорликда ва унинг мамлакатдаги бўлинмаларини молиялаштиришда гумонланган шахсни қўлга олди. "Синьхуа" агентлигининг хабар беришича, у Жакарта аэропортида Сурияга учиб кетишга уринган чоғида ҳибсга олинган.

Маҳаллий ҳукуматнинг маълум қилишича, ҳибсга олинган шахс Индонезия ҳудудида бир нечта террорчилик ҳужумлари уюштиришга алоқадор. У шунингдек, янги зўравонлик ҳаракатларини тайёрлаш мақсадида ИШИДнинг “уйқудаги бўлинмалари”ни молиялаштирган. Полицияи маълумотларига кўра, у ИШИД сафига қўшилгунига қадар “Жамоа Исломия” экстремистик гуруҳи таркибида бўлган.

2018 йил майида Индонезия парламенти экстремистик гуруҳларга қарши курашни кучайтириш бўйича қонун қабул қилган. Бунгача мамлакатнинг турли қисмларидаги христианлар ибодатхоналарида қатор портлашлар содир этилган, оқибатда 30 киши ҳалок бўлганди.

Кўпроқ янгиликлар